泰斗

營業中

休息中

今次去到元朗踩單車，經過見到一間隱世嘅餐廳，佈置得好靚，好有氛圍感。我地首先點左鹽燒馬友。馬友魚經過鹽燒後表面微焦香脆，魚皮薄脆得黎帶啲鹹香，內裡魚肉嫩滑，魚油香濃而唔腥，食落啖啖肉。🐟之後就到泰式椰奶汁藍青口，真係一大驚喜。藍青口新鮮無腥，肉質飽滿滑溜，好濃嘅海水味，唔會煮到過熟縮晒水。重點係個泰式椰奶汁，椰香濃厚中帶少少creamy，配合得啱啱好，唔會蓋過青口鮮味，但又好有層次感。🦪汁燒魷魚筒就夠晒彈牙又入味，魷魚筒煎香燒至外層帶少少焦脆，裡面保持到鮮嫩彈性，一咬好惹味。🦑飲品方面，椰汁沙冰帶住濃郁椰香但又唔會過甜，沙冰打得幼滑，飲落有啲似泰國街邊檔嗰種正宗口味，啱晒天氣熱嘅時候嚟一杯，真係透心涼。🥥荔枝沙冰就係果香爆棚代表，一打開已經聞到陣陣荔枝清香，入口微酸微甜，沙冰細滑唔粗糙，完全唔會假味，飲完好refresh。🍧食完仲見到餐廳入面有夾公仔機可以玩，好正，岩曬大人同小朋友。