8鍋臭臭鍋 (金巴利道)

營業中

休息中

以前響台灣食過臭臭鍋，但響香港真係好少見，今次響佐敦發現左呢間，超級抵食又好味，實在好值得一試。呢度嘅食法係每人叫一鍋咁食，份量其實好充足又唔貴，最後我同朋友都飽到食唔哂，而更好嘅係呢度嘅環境坐得幾舒服，啱哂同朋友食飯傾計。所謂嘅臭臭鍋，其實即係落左臭豆腐，我自己就幾鍾意食，不過同行朋友就唔食，所以我同朋友分別叫左一個招牌臭臭鍋同埋一個黑麻油雞鍋。招牌臭臭鍋並非浪得虛名，非常好味，濃濃嘅臭豆腐味我自己覺得好香，其實煮好一鍋根本上唔會覺得臭，好好食好值得一試，食果陣留意到都幾多其他客人都係揀呢個，不愧係招牌菜。黑麻油雞鍋同樣好正，上枱果陣一陣陣麻油香氣逼人，雞肉亦鮮嫩幼滑，認真一絕。另外再叫左一個小食炸花枝丸，熱辣辣上枱同樣相當唔錯。最後想推介一下飲品，台式冬瓜茶平時飲得多，但係我都真係第一次見到有檸檬🍋冬瓜茶，估唔到少少酸酸地感覺又幾清新，朋友叫嘅凍盆栽奶茶亦相當特別而且可口，幾有新意。