Ice Puff

營業中

休息中

去開旺中行街，想食下小食，就幫襯呢間嘅夾餅都幾多人幫襯，但店主好快手，唔洗等好耐，好快就有，佢快手得嚟，質素係完全不受影響，我叫咗原味，好大份好厚嘅一件夾餅，外層好脆，雖然佢厚，但內層又唔會好似蛋糕咁又濕又重，而係鬆軟，咬落口感好好，而佢啲醬，係搽得勁足勁多，要知道坊間好多賣夾餅嘅，都唔夠醬，但佢係足夠你每一啖都食到多醬，牛油咸香好出，花生醬綿滑，配埋煉奶啲甜味，真係好好食不得不提嘅係，佢鋪仔細細，但店外有張高高地bar枱仔同幾張櫈，方便人等嘅時候擺嘢，或者直接坐低食，又有搓手液提供，店主仲會問你要唔要紙巾，食完又幫你掉埋個紙袋，真係好細心！