影片
更多
2024-05-25
76 瀏覽
🔸鰻魚炒飯 $78配料有雜菜粒、碎蛋、鰻魚。 鰻魚畀得幾多，夠曬足料。呢碗鰻魚炒飯份量都相當大，如果嚟到想食飽啲嘅，點呢個就啱喇，一大碗足二人份量，炒飯好香又有燒鰻魚焦香味😚味道：7/10性價比：7/10🔸鹽燒青花魚 $40 青花魚有半條，最好就係唧啲檸檬汁落去一齊食， 鹹鹹地酸酸地比較醒胃。烤魚係一啲都唔腥嘅。味道：7/10性價比：7/10🔸菠蘿 3塊 / $22燒菠蘿真係必點菜式，因為佢唔單止個樣好靚，燒香咗嘅菠蘿原來食落嚟係特別甜㗎，鮮甜多汁真好味。味道：7/10性價比：7/10🔸雞全翼 2串 / $38雞全翼一串一隻，有兩串， 燒得焦香皮脆，雞肉仍好嫩滑。味道：7/10性價比：7/10🔸其他串燒落單後餐廳職員會問你要唔要辣，我哋呢次揀咗全部都唔辣嘅脆香魚腐 $15魚腐有兩片，本身魚腐係甜甜地嘅，面頭落咗啲椒鹽一齊燒，所以食落嚟係微微嘅甜同鹹味，都幾好食。秋葵 $16 秋葵有五條一串，秋葵本身係滑潺潺冇乜味嘅，呢個串燒落咗啲椒鹽喺面頭一齊燒，所以整體係鹹香味好重，好惹味。日本一口紫薯 $185粒紫薯一串，紫薯仔燒熟咗之後，就會爆啲糖汁出嚟，食落嚟
🔸鰻魚炒飯 $78
配料有雜菜粒、碎蛋、鰻魚。 鰻魚畀得幾多，夠曬足料。
呢碗鰻魚炒飯份量都相當大，如果嚟到想食飽啲嘅，點呢個就啱喇，一大碗足二人份量，炒飯好香又有燒鰻魚焦香味😚
味道：7/10
性價比：7/10
🔸鹽燒青花魚 $40
青花魚有半條，最好就係唧啲檸檬汁落去一齊食， 鹹鹹地酸酸地比較醒胃。烤魚係一啲都唔腥嘅。
味道：7/10
性價比：7/10
🔸菠蘿 3塊 / $22
燒菠蘿真係必點菜式，因為佢唔單止個樣好靚，燒香咗嘅菠蘿原來食落嚟係特別甜㗎，鮮甜多汁真好味。
味道：7/10
性價比：7/10
🔸雞全翼 2串 / $38
雞全翼一串一隻，有兩串， 燒得焦香皮脆，雞肉仍好嫩滑。
味道：7/10
性價比：7/10
🔸其他串燒
落單後餐廳職員會問你要唔要辣，我哋呢次揀咗全部都唔辣嘅
脆香魚腐 $15
魚腐有兩片，本身魚腐係甜甜地嘅，面頭落咗啲椒鹽一齊燒，所以食落嚟係微微嘅甜同鹹味，都幾好食。
秋葵 $16
秋葵有五條一串，秋葵本身係滑潺潺冇乜味嘅，呢個串燒落咗啲椒鹽喺面頭一齊燒，所以整體係鹹香味好重，好惹味。
日本一口紫薯 $18
5粒紫薯一串，紫薯仔燒熟咗之後，就會爆啲糖汁出嚟，食落嚟好甜。
味道：7/10
性價比：7/10
張貼
