美滋鍋 (家樂坊)

營業中

休息中

呢度而家晚市有火鍋放題，而且有幾個套餐。我哋揀咗平平哋嘅B餐，每位$278，嘢食真係多到數唔哂！我哋揀咗個藥膳醉雞鍋，陣酒香加埋啲藥材味，正到不得了😍叫咗勁多嘢食，韭菜豬肉雲吞、肥牛、四方肥牛、PRIME牛肩胛、豬肉片，乜都有齊！個韭菜豬肉雲吞，啲餡好多，韭菜味好香，豬肉又鮮甜。肥牛油脂分佈平均，入口即溶；四方肥牛就比較有咬口。PRIME牛肩胛真係好嫩，牛味好濃！除咗肉之外，仲叫咗牛柏葉、豆腐、蝦、沙白、竹簽蝦。牛柏葉爽口，處理得好乾淨。蝦同沙白都好新鮮，用藥膳醉雞鍋淥完，更加鮮甜！自助區都好多嘢食，蔬菜、丸類、小食、甜品、生果、嘢飲、雪糕，乜都有！最正係有我最愛嘅砵仔糕同開心果糯米糍，煙韌又唔太甜😛呢個火鍋放題真係性價比高。