URBAN Bake n Take

營業中

休息中

端午節前夕男朋友黎我屋企食晚飯，佢放工係圓方買左泡芙上我屋企。依家做緊$20兩個泡芙，好抵。本來可以買齊五隻味，分別係雲尼拿忌廉、焦糖咖啡忌廉、好立克忌廉、朱古力榛子忌廉、抹茶忌廉，但可能執錯左，漏左抹茶忌廉，可惜。變左雲尼拿忌廉同焦糖咖啡忌廉有兩個。我自己食左好立克忌廉同焦糖咖啡泡芙，泡芙夾住勁多忌廉，爆餡既感覺好正。忌廉唔會好甜，滑身唔膩，泡芙皮唔會軟晒，唔錯。我鍾意焦糖咖啡忌廉多啲，因為好立克味唔算出。仲有其它蛋糕揀，蛋糕件件都好大件。