牛丼新造

營業中

休息中

我經過過好多次，見到啲圖片好靚，所以一路都好想試，今日終於有機會去食午餐。我叫咗$88嘅牛肉套餐，加咗$10要隻溫泉蛋，但係真係好失望。每塊牛肉都有渣， Lur 嘅比食到嘅肉多，牛肉味亦都唔夠濃，白飯亦都唔夠熱，亦都冇日本米嗰種飯香和軟糯。叫咗個芥末籽肉汁，但係一啲芥末籽味都冇，基本上只係得個鹹字。日本溫泉蛋都算正常嘅，冇乜特別。總之整體都非常之失望，$98仲要冇包嘢飲。唯一可取嘅，就係份量都幾足夠，如果食晒成碟都幾飽，不過味道上得不到滿足。我又再一次學習唔好俾相片欺騙。