車輪餅小姐

營業中

休息中

每次去開美孚都一定會去埋呢間，買幾個車輪餅拎返屋企食。車輪餅個皮唔係真係話特別驚人地好食，但啲口味好吸引。特別係我真係好鍾意食麻糬，每次見到有麻糬餡料嘅食物都會毫無抵抗力。而車輪餅小姐有幾款車輪餅都係有麻糬喺入面，所以好吸引到我。今日一次過買左四個：流心雲尼拿奶黃、oreo金莎朱古力麻糬、流心阿華田麻糬、伯爵茶麻糬明明啱啱先食完一大碗麵做lunch，但一買完就忍唔住即刻食左個伯爵茶麻糬車輪餅先。因為伯爵茶同麻糬都係my favourite，好想試下兩個加埋有幾正。但之前黎到嘅時候咁啱賣曬，淨係有幸試到其他口味嘅車輪餅。流心嘅伯爵茶味甜甜地，但唔會太甜，都見到入面有少少茶葉碎，有伯爵茶味，不過如果可以再濃少少會更開心。麻糬好正，好軟淋，同埋都幾厚，大滿足！oreo金莎朱古力麻糬味就之前都有試過，甜左少少，但都幾好食，所以今次再買。夜少少再食埋淨低嗰兩個先。