影片
更多
2025-03-04
651 瀏覽
最近同家人去咗一間好啱親子同去的日式居酒屋，無論食物、環境定服務都令人印象深刻，真係一個放鬆又滿足的用餐體驗！一入到餐廳，270度半露天用餐區即刻吸引咗我哋嘅注意。坐喺度可以俯瞰啟德主場體，景色開揚，感覺特別舒服。餐廳位置超方便，距離啟德體育園主場只係2分鐘路程，睇完表演或者賽事後過嚟食飯真係完美選擇。加上餐廳有原創主題角色KORA同KYU，設計得意又充滿趣味，小朋友見到都好興奮，連大人都覺得幾有趣！講到食物，真係款款都令人滿足。A5和牛芝士漢堡配香脆薯格一上枱，肉香同芝士嘅濃郁味道已經令人唾涎三尺。和牛肉質嫩滑多汁，配上酥脆嘅薯格，口感同味道都係一流。另一款花生醬鹹蛋黃金沙單骨雞翼更加係驚喜之作，花生醬嘅香濃同鹹蛋黃嘅鹹香完美融合，雞翼炸得外脆內嫩，食完一個仲想再encore！名古屋土雞餃子配洋蔥汁都好出色，餃子皮薄而爽口，內餡用上名古屋土雞，肉質鮮嫩，配上微甜嘅洋蔥汁，味道層次豐富，令人回味。主菜方面試咗炒芽菜豚肉黑蒜醬油拉麵，湯底帶有黑蒜嘅獨特香氣，濃郁但唔會過膩，豚肉入口即化，炒芽菜增加咗清爽嘅口感，麵條彈牙有嚼勁，係一款有驚喜嘅拉麵。飲品試咗洋甘菊茶同mocktail Man
一入到餐廳，270度半露天用餐區即刻吸引咗我哋嘅注意。坐喺度可以俯瞰啟德主場體，景色開揚，感覺特別舒服。餐廳位置超方便，距離啟德體育園主場只係2分鐘路程，睇完表演或者賽事後過嚟食飯真係完美選擇。加上餐廳有原創主題角色KORA同KYU，設計得意又充滿趣味，小朋友見到都好興奮，連大人都覺得幾有趣！
講到食物，真係款款都令人滿足。
A5和牛芝士漢堡配香脆薯格一上枱，肉香同芝士嘅濃郁味道已經令人唾涎三尺。和牛肉質嫩滑多汁，配上酥脆嘅薯格，口感同味道都係一流。
另一款花生醬鹹蛋黃金沙單骨雞翼更加係驚喜之作，花生醬嘅香濃同鹹蛋黃嘅鹹香完美融合，雞翼炸得外脆內嫩，食完一個仲想再encore！
名古屋土雞餃子配洋蔥汁都好出色，餃子皮薄而爽口，內餡用上名古屋土雞，肉質鮮嫩，配上微甜嘅洋蔥汁，味道層次豐富，令人回味。
主菜方面試咗炒芽菜豚肉黑蒜醬油拉麵，湯底帶有黑蒜嘅獨特香氣，濃郁但唔會過膩，豚肉入口即化，炒芽菜增加咗清爽嘅口感，麵條彈牙有嚼勁，係一款有驚喜嘅拉麵。
飲品試咗洋甘菊茶同mocktail Mango Sago Pomelo，前者清新舒緩，後者芒果同西米嘅甜香加上柚子嘅微酸，清爽又開胃，小朋友同大人都飲得開心。甜品就揀咗綠茶香蕉蛋糕配椰子雪糕，蛋糕鬆軟帶有淡淡綠茶香，配上濃郁嘅椰子雪糕，甜度剛剛好，食完完全無負擔。整體黎講，這間日式居酒屋無論係環境定食物質素都好有驚喜，親子同遊絕對係一個好選擇。喺啟德附近搵食嘅朋友，下次不妨試試，相信唔會失望！
張貼
