山洞食堂

營業中

休息中

之前試過有一次想同同事一齊嚟呢度食中午飯當慶祝，但係嗰次勁多人排隊，所以唯有今日收工嘅時候再嚟食dinner，因為驚再次要失望離場，所以特登預早打電話嚟book定。呢度啲盆菜都幾多款式，食完之後如果想再開就要加$40 ，不過我覺得種類都幾多，而且有一個我好少見嘅蓮藕，所以我覺得都唔錯。今次叫咗幾樣嘢，全部都覺得超高質，絕對配得上呢度嘅裝修，而且一定要讚吓就係呢度嘅店員服務態度都好好！最上等牛肋骨呢個勁好味，口感一流，加埋有靚仔哥哥幫你剪好，然之後放上去燒一陣，啲牛味真係出晒嚟～山洞和牛壽喜燒呢個超級特別，基本上就將蛋黃同蔥自己撈埋一個醬，之後將薄薄嘅牛肉燒一燒之後撈埋個醬汁一齊食，對比起啱啱有口感嘅牛肋骨，真係食得出係比較滑嫩。慶州黑毛豬盛合都絕對冇令我失望，最驚喜就係有豬皮，香港好少地方食到咁好食嘅豬皮！水冷麵同海鮮豆腐湯都屬於高質，同韓國食到嘅質素差不多。至於飲品方面就叫咗菠蘿梳打同提子梳打，唔會太甜，夠refreshing。