山田海韓國料理

營業中

休息中

觀塘韓國菜唔多，所以好多時食韓菜都嚟呢間，味道偏向較正宗。地方都算夠大檯都算多，唔使點等就可以入座。食韓國菜最喜愛嘅就係八小碟，最好味當然係泡菜啦！但今晚其他泡菜以外嘅就比較一般嘞。首先叫咗烤鰻魚，氣爐上加塊鐵板。味道同一般出面食嘅醬油差不多，但肉厚彈牙骨唔多，算唔錯。泡菜炒飯，可隨個人喜好走肉都得，因為佢哋泡菜唔錯，所以個炒飯都唔錯。烤豬面青，味道都OK，肉質爽口但無豬頸肉咁肥膩，都幾值得一食。海鮮炒炒絲，好明顯佢哋唔係用雪藏細細粒海鮮，材料尚算可以，味道就比較一般，無乜特色。總括嚟講都可以值得一試嘅。