影片
更多
2024-12-22
538 瀏覽
今日冬至，好多餐廳一早就閂門，11點半落街以為淨得麥當勞食啦，竟然有間麵檔仲開住門做生意，仲要係中菜餐廳，你話幾神奇呢天氣咁凍梗係想食碗湯麵溫暖下個肚，見裏面有幾枱人食緊，咁就走咗入去試吓老闆都好熱情招呼，好肯同啲客吹水交流意見，一坐底未叫野就送兩碟小食我咬下先，問老闆點解冬至唔收工開到咁夜，老闆話就係心諗可能今日過節大家夜少少都冇得食，所以開到咁夜等大家有嘢食😂真夠貼心本來想入去食麵嘅，咁啱賣晒，得返淮山麵揀，就嗌左碗香辣牛肉粒米線(小辣)，牛骨湯底非常香，唔好食辣既其實食原味湯底已經夠晒味，配料都足料。米線係用幼身嘅米線，唔同譚仔同雲桂香嗰隻，我幾鍾意佢依隻幼米線，好食又好易入口。聽老闆講原來個米線煮之前要浸6個鐘仲要再過水洗又搞呢樣又搞果樣先至拎去煮，聽佢講完諗起有時食譚仔成個麵餅黐住未開咁嘅都唔知係咪雪櫃咁就拎出嚟淥😅因為食辣豆漿食到一半就差唔多飲晒老闆見到又自動幫我refill，話怕我辣親唔夠嘢飲勁好人😆又話唔夠飲唔夠食要加麵就同佢講，佢會幫你拎出黎加唔使加錢。另外唔食牛既客人可以落單時講明唔要牛骨湯底，蕃茄湯都好好食，老闆推薦自己最鍾意食嘅係蕃茄湯同埋泡椒湯底埋單麵+野飲4
天氣咁凍梗係想食碗湯麵溫暖下個肚，見裏面有幾枱人食緊，咁就走咗入去試吓
老闆都好熱情招呼，好肯同啲客吹水交流意見，一坐底未叫野就送兩碟小食我咬下先，問老闆點解冬至唔收工開到咁夜，老闆話就係心諗可能今日過節大家夜少少都冇得食，所以開到咁夜等大家有嘢食😂真夠貼心
本來想入去食麵嘅，咁啱賣晒，得返淮山麵揀，就嗌左碗香辣牛肉粒米線(小辣)，牛骨湯底非常香，唔好食辣既其實食原味湯底已經夠晒味，配料都足料。米線係用幼身嘅米線，唔同譚仔同雲桂香嗰隻，我幾鍾意佢依隻幼米線，好食又好易入口。
香辣牛肉粒米線
$49
14 瀏覽
1 讚好
0 留言
聽老闆講原來個米線煮之前要浸6個鐘仲要再過水洗又搞呢樣又搞果樣先至拎去煮，聽佢講完諗起有時食譚仔成個麵餅黐住未開咁嘅都唔知係咪雪櫃咁就拎出嚟淥😅因為食辣豆漿食到一半就差唔多飲晒老闆見到又自動幫我refill，話怕我辣親唔夠嘢飲勁好人😆又話唔夠飲唔夠食要加麵就同佢講，佢會幫你拎出黎加唔使加錢。
另外唔食牛既客人可以落單時講明唔要牛骨湯底，蕃茄湯都好好食，老闆推薦自己最鍾意食嘅係蕃茄湯同埋泡椒湯底
埋單麵+野飲49+3，依個味道依個份量依個價錢真係冇得彈
食物質素加上老闆熱情態度，忍唔住第一次寫食評讚吓佢😄老闆話新開張兩個月，好多人都喺門口度望吓望吓，但係又唔敢入嚟試，驚死唔好食。但你唔入嚟試過，又點知好唔好食呢？
至少我試過之後應該會排佢喺對面街嘅譚仔同雲桂香前面😋
張貼
