名門私房菜

營業中

休息中

今日朋友介紹食順德菜，黎試一試係咪咁正先。點左個6人餐，有螺頭炖翅骨湯，冰鎮鮑魚配燒汁芥辣醬，懷舊蝦多士拼大良炸鮮奶，北菇扣鵝掌煲，乾煸野菌龍躉球粉絲煲，古法瓦罉豉油雞，上湯浸時蔬，招牌名門炒飯，紫米露。螺頭炖翅骨湯：清甜冇味精，飲得出經過長時間炖出黎。好香肉湯味道。冰鎮鮑魚配燒汁芥辣醬：大大隻鮑魚，夠晒淋配合芥辣醬食多重口感。懷舊蝦多士拼大良炸鮮奶：蝦多士炸得乾身唔會有油膩感。大良炸鮮奶加上蟹肉味道唔會太濃烈又有奶香味道。北菇扣鵝掌煲：鵝掌夠晒淋，北菇大大隻有咬口。鮑魚汁炆得好夠味，生菜入晒味。乾煸野菌龍躉球粉絲煲：炒得好乾身，龍躉啖啖肉，大口大口咁咬，真係爽呀。龍躉鮮甜好味，大量配料混入粉絲，粉絲完全吸收晒。古法瓦罉豉油雞：豉油汁味道岩岩好，雞肉口感好入晒味。上湯浸時蔬：菜芯新鮮爽甜。招牌名門炒飯：炒飯香口到一個點，材料豐富。紫米露：甜度岩岩好。