船渦

營業中

休息中

第一次食一人一蒸氣鍋，好玩好味好新鮮。呢間餐廳叫船渦，餐廳裝修好有日式設計感覺。我同朋友各人叫咗一個套餐。九品芝麻套餐和，橫行無忌套餐。每個套餐都包括前菜沙律、炸物、海鮮、肉類、丸類、蔬菜拼盤和甜品，最後仲可以配粥或者湯麵。首先要講海鮮嘅部份海鮮非常新鮮，預早分好一人份嘅海鮮船造型相當吸引。另外種類包括有扇貝，魚片，海蝦，鮑魚，貴妃蚌，大蜆，白蜆等份量合理，更勝在種類較多。新鮮到就更加唔需要講用冰底海鮮船嘅方法上菜可以保持海鮮嘅新鮮，唔會令客人喺慢慢食嘅過程裏面肉質有任何改變，相當細心。肉類方面特別要講嘅就係安格斯牛肉，牛肉厚薄適中，所以特別有咬口會咬一啖都充滿着牛肉嘅香味少少調味已經好滿足。另外豚肉部份都值得一讚豚肉片咬落食到豬肉嘅油香唔會有雪味。最後特別滿足令人滿意嘅係用蒸氣火鍋嘅湯煮粥，職員會主動幫你加米煮食海鮮粥或者是南瓜粥，吸收晒蒸氣火鍋時候食材嘅味道，真係好味。