星巴克咖啡

營業中

休息中

今日帶咗租客去同業主開會，中午12點會議完畢，如果即刻返寫字樓食午餐又係食返平時食嗰啲選擇，但係又唔想太遲先返到去，突然間醒起去星巴克食午餐，呢間星巴克特別好坐，可能因為甲級寫字樓林立的IFC的客人消費力高，而且大多數這處的客人都會喜歡星巴克，我用咗星巴克卡點左以下食物：1. 蔬菜螺絲粉（$60），用一個瓷器的容器裝住，熱辣辣，所以我攤左一陣先食，係茄汁底的，非常之好味！蔬菜方面的材料有意大利青瓜、茄子，表面是溶咗嘅芝士。2. 雪芳脆蜜蛋糕（$35），蛋糕底用咗雪芳蛋糕，中間的奶油餡的中央有一些香甜的脆粒，蛋糕表面有一層忌廉，忌廉的表面也有香甜的，食落去唔太甜，組合得宜，不過因為我減肥所以只係食咗少少忌廉。3. 是日熱咖啡（$27）- 中size，我要左脫脂奶多奶，好好飲！埋單原先係要$120，但係用咗星巴克卡的獎賞分所以是$87，開心到飛起！總之今餐很滿意！我的進食速度只是半小時。