E FOR EGG

營業中

休息中

🌸封煎牛板腱伴薯菜，牛板腱生熟度啱啱好，外焦內嫩 ，肉質好軟腍又多肉汁，牛肉味好濃郁！仲配埋薯蓉同埋新鮮蔬菜，例如西蘭花、椰菜花、蘆筍！味道唔會太鹹，幾好味🌸蟹籽煙三文魚忌廉扁意粉，扁意粉好足料，上面鋪滿蟹籽，仲有幾塊厚身嘅煙三文魚！扁意粉口感煙靭彈牙，而且仲好掛汁，又唔會太膩！🌸日式烤雞槌伴蜂蜜燒烤醬，烤雞槌外皮香脆可口，肉質鮮嫩，仍然保留到肉汁！配搭埋甜甜嘅蜂蜜燒烤醬，味道好夾，仲好惹味！🌸E FOR EGG芝士奶蓋招牌窩夫賣相真係好可愛，窩夫上面好似放咗一隻煎蛋咁！打卡一流！兩件熱烘烘嘅窩夫，夾住好多cream，仲配埋軟糯煙韌嘅麻糬同埋芝士奶蓋一齊食，鹹鹹香香，口感味道層次都好豐富🌸期間限定-雪の豆腐巴斯克芝士蛋糕賣相幾靚，有好重好香嘅豆腐香味，好滑溜，口感綿綿滑滑，甜度啱啱好🌸招牌奶蓋咖啡帶有少少酒香味，仲有好香濃嘅咖啡味，綿密又順滑嘅口感，幾好味🌸開心果特調好特別，杯邊仲有好多開心果碎，飲落口有好濃郁嘅開心果味！同時又有豆腐花，帶有豆腐嘅香味，口感好幼滑！🌸玄米茶🎀餐廳舒適寬敞，整體食物質素好高，擺盤又精緻！甜點鹹點都同樣好味，下次會再同朋友黎食飯傾計