樂酒場 がくさかば

成日喺呢度飲酒都會經過呢間餐廳，睇落去好日本風，好似去咗東京大阪一樣。不過一直冇機會試，今日咁啱約朋友食飯，原來佢都好想試呢間，咁就一於上嚟試吓啦。一去到門口已經覺得呢度好靚，霓虹燈再加超和風嘅居酒屋，香港真係搵唔到。而且呢度仲有榻榻米坐，真係好似去咗日本咁呀。呢度嘅食物完全唔貴，性價比好高。我最欣賞嘅就係呢個燒三文魚層層疊，侍應真係會拎個火槍嚟燒，啱晒打卡。而且佢食落都好新鮮，三文魚嘅魚油啱啱好，真係做得好出色。以我朋友就最鍾意呢個五點刺身盛，呢度嘅刺身非常新鮮，而且好厚切，但係價錢完全唔貴，識落好重魚味，但又完全唔腥，連我唔鍾意食刺身嘅人都覺得好好食呀。另外呢個點心炸蝦都好得意，佢係用類似童星點心麵嘅袋裝住兩條炸蝦，又係非常適合打卡。而且佢唔係淨係得個樣咁簡單，食落好特別，用童星點心麵包住蝦再拎去炸，外脆內嫩，而且蝦都好新鮮。呢間餐廳又靚又抵食，而且環境好好，同埋我見到佢嘅清酒都賣得好平，真係好適合一大班朋友gathering，我都一定會再嚟啊。