意粉狂熱 (置富都會)

營業中

休息中

約左朋友食個便飯，到左意粉狂熱，星期六日常常等位，但原來平日晚都爆場喎。坐到最內邊的位置，環境都唔錯有街景睇，但就暗左少少，咁樣較有情調😆店員送上qr code落單，介面簡潔易明，見佢有套餐揀就點左份意粉&披薩狂熱套餐。⭐忌廉蘑菇湯 & 法式芝士洋蔥湯餐湯有兩款選擇，每樣試一碗吧😋蘑菇湯有碎切菇粒有菌香，洋蔥湯味道濃郁很鮮味。⭐香草雞肉凱撒沙律菜新鮮爽脆，芝士下得多，醬汁調味剛好。⭐蒜味芝士雞翼雞翼本身已帶蒜香，再點埋個蒜味芥末醬就更香濃。⭐鮭魚牛油果和風鮮製意粉三文魚同牛油果都係至愛，就揀呢樣先，牛油果creamy剛好，意粉彈牙有咬口，唯三文略微過熟了點有點乾身，但整體黎講係好食㗎😋⭐照燒雞蛋黃醬披薩帶點和風的pizza，蛋黃醬、芝士、再加上紫菜同蔥香，餅底有口感，正喎。⭐是日甜品係提拉米蘇蛋糕，香軟濕潤仲有酒香，出色👍⭐凍水果茶 & 橙汁餐飲都好多選擇，一般茶啡到汽水、果汁都唔使額外收費，另外可加$12轉飲紅酒、白酒或啤酒☺️加埋一四百零蚊幾抵食吖，順帶一提，如果嚐辣，佢枱上放有辣粉同辣椒仔🌶️，兩樣同薄餅、意粉都夾，個人就覺得佢個辣粉好正啦。