LIFETASTIC Patisserie (Fashion Walk)

營業中

休息中

由澳洲猛龍過江的蛋糕店，主打西瓜蛋糕。聽到不禁會覺得配搭奇奇怪怪，但食落卻有一種清新感，好味！雖然細細的一件餅要70幾蚊，但手工費絕對值得！蛋糕層次豐富，有玫瑰花瓣、啫喱、士多啤梨、西瓜、海綿蛋糕底、同拿破崙的夾層。當日買咗三件同屋企人一齊食，但食唔哂，放咗落雪櫃，開頭以為放一晚西瓜會出水，但隔日拎出嚟依然完好，味道依舊（但唔建議大家放太多日，相信味道絕對會有分別啊）有次母親節經過，發現好多好多人訂呢款西瓜蛋糕俾媽咪，問過店員佢話要提早預訂，等我下年訂一個比男朋友嘅媽咪先。