影片
更多
2019-01-06
2197 瀏覽
睇完一輪食評見幾好才定位去試. 只有二人又想食三人餐的菜單, 所以寧願加錢, 平均每人頭加 $57. 即每位$440 . 已經預左工廈地點內隴吾好, 但此工廈實在太舊, 十幾人在大堂等電梯, 只有一部油壓笠行, 等10 分鐘未郁停在一層樓, 結果我們行樓梯上去. 鋪神基本裝修又用懢電膽所以黑孟孟, 張枱腳又搖搖下. 7pm 去到只我們一枱個侍應在放杯碟匙𡙡已經很嘈, 很奇怪個廚房不停有鬧鐘響 Beep Beep Beep beep 嗰種可能提侍應入去出菜, 煩死人。冷盆係凍片豆腐, 個汁太鹹, 鹵水鮑魚冇味的, 螺頭湯好多師傅, 黃金蝦 8 隻, 兩人食就太多了，藥膳雞最離譜，極多油, 超鹹, 雪雞完全冇味, 睇來只係將雞肉放入個已整好的湯底滾一輪才端出耒, 花膠北菇菜普通, 以為係生炒糯米飯，點知係公仔點心嗰種叮熱荷葉蒸熟糯米飯，失望之極, 相映之下, 個蛋散甜品已經全埸最好. 以此價錢食粗菜都做得吾好, 冇回頭了. 最後, 請睇睇天花的白吊燈飾, 多麈到 ...... 返屋企猛飲水因為乜都好鹹
張貼