Channel 3 Tapas Bar & Restaurant

營業中

休息中

FD黎香港旅行，話想體驗下香港嘅酒吧，咁試試哩間啦。酒吧環境好有feel，就算坐滿，都好安靜，方便兩個人傾偈。Shirley Temple, 好靚嘅一杯mocktail, 從紅色到黃色逐層漸變，晶瑩透亮。飲落唔會好甜，微微車厘子味道同埋有少少青檸清香。香煎和牛舌配番茄莎莎，牛舌厚切好大一件，表面微焦，內裡juice，再加埋酸辣風味嘅番茄莎莎，好清爽啲前菜。即刨帕爾馬火腿，估唔到分量幾多下，仲會搭配埋油漬橄欖，麵包片同沙律菜。火腿肥瘦均勻，入口鹹香，有少少煙熏味，就酒一流。墨西哥傳統牛肉餡餅，餡料皮脆肉厚，內裡餡料用咗咖喱調味，食落好有印度風情。仲落咗大量馬蘇里拉芝士，拔絲效果一流。西班牙油蒜辣椒炒蝦，用鐵鍋送上來，可以一直keep到溫度。蝦肉大大隻，肉質彈牙爽口，調味偏香辣，配菜嘅蒜片同辣椒超好味，全部食曬。