Mr.W 即烘蛋糕

營業中

休息中

今日去天后探朋友，佢請咗我食一件好好味嘅蛋糕，原來件蛋糕喺佢屋企樓下買，所以我離開佢屋企之後，就叫佢帶我去買，希望俾屋企人試吓。去到店舖，見到間舖頭原來主要係sell天然健康，而且好多款式都係自創，夠晒新意。原味鮮奶蛋糕三款蛋糕裏面，原味鮮奶蛋糕應該係無論大人小朋友都鍾意食。蛋糕好鬆軟、好順滑。奶味同蛋味好重，就咁聞都已經好香，流晒口水。棗蓉蛋糕紅棗不嬲都滋補養顏，所以我認為呢個蛋糕係健康之選。棗蓉蛋糕鬆軟有彈性，棗香突出，味道唔會話好甜，間中仲食到粒粒嘅紅棗粒，有口感👍🏻，我自己就最鍾意！無花果蛋糕呢個蛋糕會食到無花果籽嘅口感，並帶點無花果香氣，口味幾特別，味道甜甜，同樣營養價值都好高，喺坊間幾乎食唔到。原來店舖喺唔同嘅星期推出兩款唔同嘅蛋糕，分別係栗子蛋糕和紅豆夾心蛋糕，但唔知係咪因為太受歡迎，所以今日去到嘅時候已經賣晒🥲，我諗我下次去探朋友嘅時候要WhatsApp 訂定😅。