羊滋味

營業中

休息中

冬天咁凍嘅天氣緊係要食下羊補補暖下個身體。太子呢間新開食羊嘅店，入到店已經聞到好香嘅羊味。發現呢間餐廳原來係家庭式經營，服務夠好又貼心，而且口碑已經做到好好，未到7點都已經要排隊。羊肉水餃 $47/7隻餃子都幾大隻，入面d餡都包得幾多。味道幾香唔太鹹，羊肉個味道都算幾出，不過個餃子皮偏厚。蟲草花羊排湯 $68呢盍羊排湯勁滋補，見到個餐牌話岩男士飲，可以滋肺補腎養精氣。個湯好足料，好多蟲草花，另外仲有幾舊羊排同埋紅棗飲落好清甜，而且飲落胃好暖，成個人即刻溫暖晒。孜然羊肉 $138 好香孜然香味但又唔會太過濃味，大量嘅芫荽,芹菜,洋蔥,青蔥,辣椒粒，再加上羊肉片，成個組合好香好清新又好開胃，加上有d辣度食落好岩餸飯一齊食。羊肉炒飯 $78勁香羊油香味嘅炒飯，大大份呢個價錢好抵食之餘，味道更加係色香味俱全。炒飯有穫氣夠晒熱，而且味道適中唔太鹹，羊肉粒散出黎嘅油香滲左落飯到好香好好食。