一鍋堂 (XX Arcade) (已結業)

天寒地凍，氣溫急降，好想打邊爐暖下身，去旺角行下街，忽然落雨，所以就上咗去好出名嘅一鍋堂打邊爐，一出𨋢口已經聞到陣陣嘅香味，店員介紹我哋食，鴛鴦火鍋湯底～喇沙湯底拼海鮮金寶雞湯底海鮮金寶雞湯底非常鮮甜而且有大量蜆肉，令湯底十分鮮甜， 平時成日都沙嗲湯底，今日亦都可以食到惹味，椰汁味香濃嘅湯底，所以放任何食材落去，佢哋都會有特色嘅味道豉油配料方面種類繁多，務求令所有食材嘅鮮味更突出，食物種類方面應有盡有，尤其係喜歡食牛嘅朋友，有安格斯牛肉，牛板腱，牛脷心托，封門柳等，牛肉嘅脂肪比例均等，脂肪 呈雪花狀， 仲有牛肚牛柏葉，除咗牛歡喜外，真係成隻牛嘅所有部分都畀我食盡除咗牛之外，一鍋堂亦都有好多主打特色火鍋配料， 例如麻辣雞柳，龍蝦沙律丸，響鈴八吋長蟹柳，手打蝦滑等都係必試嘅食物仲有香脆嘅魚皮， 蜂巢豆腐，手打三寶丸， 流心魚蛋， 真係每款配料叫一次都夠食到你飽飲品方面亦都應有盡有，而且仲有唔同嘅茶可以解膩，最後仲有甜品雪糕任食，絕對係高性價比嘅旺市任食火鍋放題