天天海南雞飯 (Fashion Walk)

營業中

休息中

天天海南雞：本店嘅招牌菜，雞件好嫩滑，就算連雞胸嘅位置都唔會好嚡。有三款款唔同嘅醬油任君選擇個人就覺得原汁原味係最好。雞皮好薄，皮下脂肪唔多，食落唔會覺得油膩，連埋雞皮食先至正宗。雞皮同雞肉之間仲有層啫喱，鍾意食雞既，緊係知道係好野黎啦。黑胡椒大蝦粉絲煲：好香嘅黑胡椒味撲鼻而來，配埋金不換，聞到已經食指大動。大蝦係開邊上非常入味份量亦都唔細，一個煲都有五六隻。粉絲將煲嘅內既精華吸收咗亦都收得幾乾身。星洲海鮮喇沙水晶粉煲：嚟得食星加坡菜點會唔試吓個喇沙湯？喇沙湯底味道濃郁，有椰奶香，充滿星洲嘅味道。配料份量亦都合適，水間粉將喇沙湯底嘅精華吸收咗。食法唔同黑胡椒煲唔同，一個乾一個濕，兩者各有特色。總結：座位好舒適，食物質素一流，亦都好精緻，果然冇失禮米芝蓮食府嘅名銜，價錢亦都公道，值得一試。