影片
更多
2024-07-28
320 瀏覽
餐廳係天后站一出行幾步就到既亨環頂層落地大玻璃可以睇到維港兩邊既景色 日落時份好靚⛅坐定定睇日落咸蛋黃 心情即時大好 🤣無論係吧枱&四人枱 都可以放鬆咁睇到靚靚景我地揀左坐吧枱 睇師傅大顯身手🥰晚餐有幾款套餐 食物既種類數量各有不同我地就揀左感謝祭優惠套餐 👍🏻開始鐵板燒之前 仲有前菜 刺身 壽司最後有熱湯&甜品 好豐富 一定夠飽🥳師傅控制火喉功力好好 仲幾TALK得食物質素不在話下 每款食物都配左獨特醬料 擺盤精美 睇到都心情舒暢海鮮類特別高質 一定要試下😝💥前菜三點京都湯葉 即係日式豆腐皮 黃豆香十足 口感嫩滑本菇水雲素麵配靜岡蕃茄 略酸好清爽 食埋好開胃汁煮黑梅貝 細細但味道不俗 仲好彈牙添🐚💥刺身 白松露櫻花真鯛薄切薄切四片 加左白松露油&淡雪鹽 幾特別配搭真鯛柔軟口感 餘韻有陣陣既白松露香 💥特選壽司深海池魚配柚子胡椒 醋飯夠熱 帶出清香魚味鰈魚配洋蔥汁 即係右口魚裙邊 魚油香突出 滿滿既油脂感🔥鐵板燒💥三文魚籽配北海道帆立貝帆立貝整得表面焦香脆口浸係海藻清湯 配埋自家醃製三文魚籽 自然既海水咸鮮味突出 食落仲有帆立貝既甜味 😛💥澳洲龍蝦新鮮撈上黎既龍蝦 即刻處理 勁新鮮🦞🦞
落地大玻璃可以睇到維港兩邊既景色 日落時份好靚⛅
坐定定睇日落咸蛋黃 心情即時大好 🤣
無論係吧枱&四人枱 都可以放鬆咁睇到靚靚景
我地揀左坐吧枱 睇師傅大顯身手🥰
晚餐有幾款套餐 食物既種類數量各有不同
我地就揀左感謝祭優惠套餐 👍🏻
開始鐵板燒之前 仲有前菜 刺身 壽司
最後有熱湯&甜品 好豐富 一定夠飽🥳
師傅控制火喉功力好好 仲幾TALK得
食物質素不在話下 每款食物都配左獨特醬料
擺盤精美 睇到都心情舒暢
海鮮類特別高質 一定要試下😝
💥前菜三點
京都湯葉 即係日式豆腐皮 黃豆香十足 口感嫩滑
本菇水雲素麵配靜岡蕃茄 略酸好清爽 食埋好開胃
汁煮黑梅貝 細細但味道不俗 仲好彈牙添🐚
💥刺身 白松露櫻花真鯛薄切
薄切四片 加左白松露油&淡雪鹽 幾特別配搭
真鯛柔軟口感 餘韻有陣陣既白松露香
💥特選壽司
深海池魚配柚子胡椒 醋飯夠熱 帶出清香魚味
鰈魚配洋蔥汁 即係右口魚裙邊 魚油香突出 滿滿既油脂感
🔥鐵板燒
💥三文魚籽配北海道帆立貝
帆立貝整得表面焦香脆口浸係海藻清湯
配埋自家醃製三文魚籽
自然既海水咸鮮味突出 食落仲有帆立貝既甜味 😛
💥澳洲龍蝦
新鮮撈上黎既龍蝦 即刻處理 勁新鮮🦞🦞🦞
熟度岩岩好 肉質好嫩好彈牙
以大量蝦膏製成既醬汁炒過 超級惹味濃郁 係當晚MVP💯
💥美國牛柳厚燒&薄燒
可以自選熟度 我地揀四成
厚燒香味突出 肉汁夠 牛味濃 份量多啲就好啦🥺
薄燒包左蔥&蒜 油脂感較強 更加惹味🤤
💥鐵板炒飯
加左大量櫻花蝦 炒緊果陣已經好香
師傅炒功了得 飯炒得乾身 粒粒分明
加埋櫻花蝦同其他配料 口感層次分明
無多餘既油份 唔會覺得油膩🤘🏻
💥鐵板炒雜菜
呢個份量岩晒 都已經飽飽地
香口帶水份既芽菜 卜卜脆好好味🫶🏻
💥鯛魚濃湯
帶魚香既解膩暖湯
飲落舒服 口腔油份盡去😌
💥甜品
抹茶布甸配黑豆 甜度點到即止
以清雅茶香作結 滿足🤩
張貼
