影片
更多
2025-03-29
115 瀏覽
天后清風街一向多美食，今次探店發現咗一間好正嘅《燒肉屋》日韓風格居酒屋，餐廳環境佈置真係好有心思！木系設計，燈光柔和得嚟又有氣氛，牆上掛咗啲日式風格嘅裝飾，天花板仲有啲小燈籠點綴，感覺好舒服！ 餐廳仲好貼心，一坐低就送上幾款韓式前菜小食，仲可以無限添食，有韓式泡菜、大豆芽、醋海帶、日式清甜大根，樣樣都好新鮮，食完即刻開哂胃 🔶️薄切A5和牛肉常滿2人前（個人覺得呢個set,2個人食，絕對夠哂飽呀！）🔮荔枝牛肩胛串串一碟6串，牛肉同荔枝嘅配搭好特別，牛肉新鮮嫩滑，荔枝嘅清甜中和咗牛肉嘅油膩感，食落好Juicy，完全唔會覺得膩，真係好有驚喜！每串都有大大粒荔枝，同牛肉一齊食，味道出奇地夾，夠晒清新！ 🔮蜜糖燒雞翼 每隻雞翼都肥厚大隻，輕以黑椒和鹽醃過，燒嘅時候檸檬嘅清香滲入雞翼，再加埋蜜糖燒得啱啱好，皮脆肉嫩，味道層次好豐富，食落好滿足！雞翼仲預先解開咗，燒起嚟方便又均勻，真係好細心！ 🔮原條厚切牛舌超期待的主角呀！原條厚切牛舌，成條拎起見到咁厚嘅牛舌視覺超震撼呀～師父親揀日本入口的食材，新鮮度滿分！原條來燒，面頭微灑上黑椒同蔥，我地燒到8成熟左右，食落一啲都唔靭，反而好爽口，牛味十足又ju
餐廳仲好貼心，一坐低就送上幾款韓式前菜小食，仲可以無限添食，有韓式泡菜、大豆芽、醋海帶、日式清甜大根，樣樣都好新鮮，食完即刻開哂胃
🔶️薄切A5和牛肉常滿2人前
（個人覺得呢個set,2個人食，絕對夠哂飽呀！）
🔮荔枝牛肩胛串串
一碟6串，牛肉同荔枝嘅配搭好特別，牛肉新鮮嫩滑，荔枝嘅清甜中和咗牛肉嘅油膩感，食落好Juicy，完全唔會覺得膩，真係好有驚喜！每串都有大大粒荔枝，同牛肉一齊食，味道出奇地夾，夠晒清新！
🔮蜜糖燒雞翼
每隻雞翼都肥厚大隻，輕以黑椒和鹽醃過，燒嘅時候檸檬嘅清香滲入雞翼，再加埋蜜糖燒得啱啱好，皮脆肉嫩，味道層次好豐富，食落好滿足！雞翼仲預先解開咗，燒起嚟方便又均勻，真係好細心！
🔮原條厚切牛舌
超期待的主角呀！原條厚切牛舌，成條拎起見到咁厚嘅牛舌視覺超震撼呀～師父親揀日本入口的食材，新鮮度滿分！原條來燒，面頭微灑上黑椒同蔥，我地燒到8成熟左右，食落一啲都唔靭，反而好爽口，牛味十足又juicy，真係好正！
🔮A5宮崎和牛薄切前腿肉配月燒汁，
真係一試難忘！ 牛肉超級新鮮，肉眼都睇到油脂分布均勻，肉質細膩柔軟，每邊燒3秒就啱啱好，點埋蛋黃燒汁，入口即溶，牛味濃郁到爆，真係好食到停唔到口！那份牛味食完都仲會係個咀入口久久不散的，絕對係高質之選！
🔮蒜蓉牛油烤帆立貝
厚原粒北海道帆立貝好大隻，新鮮彈牙，加埋蒜蓉牛油一齊燒，香氣撲鼻，入口鮮甜又惹味，最特別得是，成碟跟一碗白飯，將燒溶咗嘅牛油撈飯真係香到不得了，食到舔舔脷！帆立貝嘅鮮味完全被帶出，蒜蓉牛油嘅香濃同帆立貝嘅鮮甜完美結合，我都係第一次咁樣食飯，心諗下次去bbq都可以咁試吓！ so jeng！
🔮波子乳酸汽水棉花雲朵
日式波子汽水，酸酸甜甜，上面仲有棉花糖，啱晒打卡，飲完覺得好清爽，成個人都refresh咗！
燒肉屋其他的set都好特別的，擺盤勁有心思，係menu見到佢過和花玫瑰花束，和牛蛋糕等，真係好靚，下次慶生又多個選擇喇！
餐廳無論環境、食物質素定服務都好好，職員有禮貌，食物新鮮度高，肉質靚到冇得彈，真係好值得推介！ 下次一定會再嚟，仲要帶埋朋友一齊試吓其他菜式！
張貼
