影片
更多
2021-02-01
1067 瀏覽
看到有Youtuber發放有關荃灣會所一號的食評影片, 真係好吸引噃,身為紅磡友, 上網查一查原來黃埔都有會所一號,今次就扮吓偽中產, 去黃埔博藝會的會所一號食呢個小菜點心放題.做開婚宴場地的會所一號真係比普通酒樓靚, 枱的距離都足夠.我們11:30到達, 仍可選擇坐在窗邊的圓枱, 外望黃埔號, 環境不錯.坐低不久就有特盛五式中的4樣美食送上來, 其中最吸睛的是椰皇灌湯餃, 味道亦很好.花膠濃湯碗仔翅: 湯料不多, 但味道ok墨魚籽原隻鮑魚酥: 凍嘅, 真嘥料, 叮番熱咪仲好食啲雪山叉燒包: 微暖, 都算好食前菜細細碟, 其中青瓜海蜇, 丹麥叉燒,沙薑豬手和口水雞好食, 所以encore了.我見其他食評的點心有3件, 但我們叫的點心上枱時每客只有2件, 真好, 我和家姐可以1人1件. 小菜方面黑松露元貝炒蛋唔錯(食咗2碟), 金沙涼瓜條用咸蛋醬包住炸, 好味但亦好油.好油水嘅仲有川味回鍋肉和荷芹炒腊味.珍菌紅燒豆腐 + 薏米濃湯浸淮山 : 清清哋幾好最令人失望的是避風塘龍躉腩, 炸得好硬, 都係一碟就夠.XO菜甫肉鬆炒飯: 算乾身唔油, 諗諗下或者炒牛河可能好食啲, 但真係食唔落了.
身為紅磡友, 上網查一查原來黃埔都有會所一號,
今次就扮吓偽中產, 去黃埔博藝會的會所一號食呢個小菜點心放題.
做開婚宴場地的會所一號真係比普通酒樓靚, 枱的距離都足夠.
我們11:30到達, 仍可選擇坐在窗邊的圓枱, 外望黃埔號, 環境不錯.
坐低不久就有特盛五式中的4樣美食送上來,
其中最吸睛的是椰皇灌湯餃, 味道亦很好.
花膠濃湯碗仔翅: 湯料不多, 但味道ok
墨魚籽原隻鮑魚酥: 凍嘅, 真嘥料, 叮番熱咪仲好食啲
雪山叉燒包: 微暖, 都算好食
前菜細細碟, 其中青瓜海蜇, 丹麥叉燒,沙薑豬手和口水雞好食, 所以encore了.
我見其他食評的點心有3件, 但我們叫的點心上枱時每客只有2件,
真好, 我和家姐可以1人1件.
小菜方面黑松露元貝炒蛋唔錯(食咗2碟),
金沙涼瓜條用咸蛋醬包住炸, 好味但亦好油.
好油水嘅仲有川味回鍋肉和荷芹炒腊味.
珍菌紅燒豆腐 + 薏米濃湯浸淮山 : 清清哋幾好
最令人失望的是避風塘龍躉腩, 炸得好硬, 都係一碟就夠.
XO菜甫肉鬆炒飯: 算乾身唔油,
諗諗下或者炒牛河可能好食啲, 但真係食唔落了.
全程上菜都好快, 入單後15-20分鐘就陸續上枱, 大概都上得齊,
只係菠蘿咕嚕肉, 前後2張單都有選上但一直沒有來,
最後我叫侍應跟進都好快補番.
之前睇食評話朱古力心太軟要自行最後才叫當甜品食,
但今次就在進食中途上枱, 為怕攤凍也要即刻食,
不過枱上冇叉供應, 每對筷子又已經污糟,
奇怪之前食評嘅靚相點樣破開中間拍呢?
可能特別找侍應提供叉或新筷子來進食吧!
我們怕麻煩, 就咁一拋成個入口就攪掂, 都幾好味.
未食前為了幫家姐慶祝她的生日, 自行準備蠟燭及打火機,
心太軟即刻變身生日小蛋糕, 在此再祝家姐生日快樂.
2人用了90分鐘已經食飽, 之後就係飲茶傾吓偈,
但有(11:30-14:00) 2.5小時食放題比較輕鬆冇壓力,
我們最後 (13:28) 埋單2人$369, 以質數計算ok啦.
題外話/補充資料：
整個放題欠缺甜品的選項, 若有楊枝甘露, 芝麻卷, 桂花糕.....就更完滿了
(以上食評乃用戶個人意見 , 並不代表OpenRice之觀點。)
張貼
