弁慶 御好燒 鐵板燒

營業中

休息中

突然間好想食大阪燒，所以要去「燒一燒」先🤣🤣朋友介紹我去中環嘅「弁慶御好燒鐵板燒」，好彩有訂位，一入去係未有食客，到我走嘅時係，係full House坐滿人咯，勁👍🏻👍🏻👍🏻.。長芋明太子：賣相好精緻，圓形嘅香芋片燒到好香口，再加埋咸香度十足嘅明太子，好惹味，surprise👏🏻👏🏻👏🏻.。炒雜菇：諗住揀一份蔬菜，結果揀左香口又juicy嘅炒雜菇～無諗過原來咁大份，性價比超高👏🏻.。牛舌：作為一個牛舌控，每次響日式料理見到牛舌，都一定會嗌返一份！今次呢份燒牛舌，肉質介乎爽及稔之間，加埋香料嘅調味，超滋味❤️❤️❤️❤️❤️.。鹿兒島黑毛和牛排：厚切嘅黑毛和牛排，師傅好好心機，慢慢煎左好耐（睇到我流晒口水）！和牛嘅油脂感好香，牛味香濃！內層鎖住好多肉汁，勁juicy😍😍.是日重頭戲：。大阪御好燒：可以自選配料，我揀左薯仔、芝士、蔥～～睇住師傅響一層大阪燒粉團上，加一堆薯仔、勁多芝士，再加多一層大阪燒粉團～最後，再響燒香嘅表面舖滿香蔥，加埋醬汁，大功告成！一邊睇、一邊覺得好治療好！厚身嘅大阪燒，多重口感好好味，好有「大阪」嘅風味❤️❤️❤️而且份量唔會太大，兩個人食啱啱好！超級推介🥳🥳🥳