影片
更多
2024-09-17
251 瀏覽
今日约左住係大角咀嘅朋友食晚餐，佢帶我去利奧坊嘅「那個ㄋㄚˋ ㄍㄜ」食台灣菜，餐廳已經搬左新舖，佢之前食過讚不絕口，梗是要去新舖試下啦。 一入去，環境乾淨清靜，座位闊落，有音樂播放，坐得好舒服。侍應服務周到，同我地介紹不同嘅菜式。 臨近中秋，佢介紹嘅中秋月餅好有特色，係一個按掣著燈嘅燈籠內放左4個月餅，在中秋當天方便㩗帶出外，既可以玩，又有得食，香港製造，新鲜衞生，只售$198。 我地叫左便當、湯麵、2個小食和2杯飲品。 大滿足脆雞3件大大舊脆雞，外脆內軟，好juicy，加上红色嘅梅子粉，甜甜酸酸的，好惹味。調味粉仲可以揀「鹽酥」、「香辣」和「海苔」。 正宗台灣腸我地好鍾意食台灣腸，揀左综合，包括蜜蒜和黑椒2種，同係台灣食嘅感覺一樣，沒有加調味粉，好正！也可以揀加入盬酥和香辣2種粉。 滷排骨便當便當系列有3款配菜，配菜會不定時更新，今日的配菜是味醬炒野菜、家常炒粉絲和白菌粟米，豬扒厚肉大件，炸得鬆化，甜甜地，配上特製嘅醬汁，好好食。 手工丸湯麵可以揀雙拼或單拼，我地要左香茹上貢和花枝丸，好彈牙，好咬口，麵可以揀鲜關廟麵「中」或「扁」嘅，仲可以揀鮮蛋拉麵，拉麵彈牙，同牛燒牛湯好夾，有少少
一入去，環境乾淨清靜，座位闊落，有音樂播放，坐得好舒服。侍應服務周到，同我地介紹不同嘅菜式。
臨近中秋，佢介紹嘅中秋月餅好有特色，係一個按掣著燈嘅燈籠內放左4個月餅，在中秋當天方便㩗帶出外，既可以玩，又有得食，香港製造，新鲜衞生，只售$198。
我地叫左便當、湯麵、2個小食和2杯飲品。
大滿足脆雞3件
大大舊脆雞，外脆內軟，好juicy，加上红色嘅梅子粉，甜甜酸酸的，好惹味。調味粉仲可以揀「鹽酥」、「香辣」和「海苔」。
正宗台灣腸
我地好鍾意食台灣腸，揀左综合，包括蜜蒜和黑椒2種，同係台灣食嘅感覺一樣，沒有加調味粉，好正！也可以揀加入盬酥和香辣2種粉。
滷排骨便當
便當系列有3款配菜，配菜會不定時更新，今日的配菜是味醬炒野菜、家常炒粉絲和白菌粟米，豬扒厚肉大件，炸得鬆化，甜甜地，配上特製嘅醬汁，好好食。
手工丸湯麵
可以揀雙拼或單拼，我地要左香茹上貢和花枝丸，好彈牙，好咬口，麵可以揀鲜關廟麵「中」或「扁」嘅，仲可以揀鮮蛋拉麵，拉麵彈牙，同牛燒牛湯好夾，有少少辣，也可以揀麻油雞湯秘製拌麵，是新出的，下次要試下。
黑糖波霸奶茶
可選4種甜度，也可選冰或熱，還可以選不同的茶底，如红茶、綠茶、烏龍茶味的炭培或蜜香，有很多種配搭，味道好，有濃濃的黑糖及茶奶味，甜度適中。
黑糖冬瓜茶
黑糖是台灣的特色，呢款冬瓜茶可以揀100％或75％的甜度，也可以揀冰或熱，好飲，不太甜，好適合香港人的口味。
那個ㄋㄚˋ ㄍㄜ˙(新地址)
大角咀利德街11號利奧坊地下G501-G503 號舖
張貼
