樂天經典 (奧海城二期)

營業中

休息中

突然想食星洲蟹，就即刻諗起樂天經典有個星洲蟹自選2人套餐B($668)，除咗有4款蟹可以揀1款，仲有自選前菜、熱炒、粉麵飯、甜品同飲品，平平哋過吓蟹癮就啱晒。椒鹽香酥鮮淮山淮山外面炸到好酥香，入面就有爽脆口感，加埋椒鹽嘅鹹香，食到停唔到口。星洲黑胡椒蟹重點嘅星洲蟹我哋揀咗食黑胡椒蟹，香辣嘅黑胡椒非常惹味。蟹嘅size兩個人食就啱啱好，蟹肉鮮甜，亦都有唔少蟹膏，啖啖肉好入味。金銀蛋浸時蔬小菜方面有咕嚕肉、沙律骨、豬頸肉等肉類，亦都有蔬菜可以揀，我哋想食菜就揀咗金銀蛋時蔬，份量都唔少。蝦味魚子蝦球炒飯炒飯入面有粒粒魚子同爽彈蝦球，飯做到粒粒分明，而且炒得好香。清心丸綠豆爽甜品我哋揀咗糖水，清心丸口感好Q彈，暖笠笠啱晒冬天食。檸檬薏米水套餐仲有飲品添，鮮檸檬加埋薏米沖泡，健康又養顏。