大源味

營業中

休息中

餐廳：大源味地點：西環石塘咀皇后大道西菜式：餃子餐牌：純手工麵，手工餃子，小食，飲品蟹柳碗麵 $55湯麵可選Q彈手工麵或者米線，前者係幼身手工麵，果然有咬口，唔錯。個湯底味道都唔錯，少少鹹香 。蟹柳碗麵配料有蟹柳兩大條，少少爽口帶子裙邊，唔少甜腐皮，同糖心蛋半隻，加上小棠菜一條，最後灑上蔥花同少少蔥花，材料都好豐富。居然有一隻鴨仔造型魚蛋，小朋友至愛。芝士粟米鮮肉餃 $45 8隻芝士粟米鮮肉餃都可以揀6隻。可選湯，走湯，或者煎。湯餃好健康，皮滑溜，入面鮮肉餡都可以，食到粟米同芝士。枱上面有餃子醋，豆瓣醬同辣椒醬可以自己加。紙包飲品 $5一包紙包飲品有冰綠茶，冰紅茶同冰糖雪梨，夠冰凍。今餐都幾健康，食得又唔會太飽。餐廳入面有四張枱，好光猛。