新沙洞大排檔 (大政街)

營業中

休息中

大角咀出名多嘢食，今日就嚟到大角咀搵食，上網睇到呢間韓式大排檔好多人推介，所以最後決定嚟新沙洞大排檔食晚飯。呢間大排檔裝修好有特色好有feel，好似置身於韓國街頭食店，超正👍👍醬油蟹撈飯:而家做緊優惠超抵食, 星期一至四可以用優惠價98蚊食到原隻新鮮醬油蟹撈飯， 蟹肉鮮甜肉質嫩滑， 蟹膏滿滿， 配搭紫菜拌飯 一流享受。柚子炸雞：半份份量都唔少有七至八件，外層黃金香脆，內裡 保持肉質鮮嫩多汁， 柚子醬汁分開點保持每一口入口都份外香脆。芝士鐵板辣炒年糕雞：呢度菜係熱騰騰鐵板上上菜香氣四溢， 辣炒醬汁濃郁野味，年糕口感彈牙與鮮嫩嘅雞肉形成鮮明對比， 加上融化嘅芝士增加絲滑口感， 滋味非常。佢哋嘅特飲都好吸引， 色彩亮麗嘅外觀，清甜可口嘅果香， 食炸雞嘅最佳配搭。