大瀛喜日本料理 (已結業)

相信大家對呢間都唔陌生，主打120分鐘任飲任食日式放題，旺角分店感覺都幾舒適，座位之間有適當距離，而且有好多卡位，環境清潔，店員上菜同收嘢嘅速度都合理，平日夜晚去都full曬，想食嘅記得一定要book位🤣雖然過咗榴槤季節但呢度都仲有得食，本身以為係剩貨所以完全唔會抱任何期望，結果出奇的好食，大大塊，又香又滑，散發著榴槤香氣，結果encore完再encore，都唔知食咗幾多件，榴槤表示超級滿足，絕對係回本之選，好開心😆Overall嚟講最印象深刻嘅食物有龍蝦沙律多士、炸鮮奶、椰汁雪燕奶、鹽醬燒牛肉壽司、燒菠蘿、芝麻雞翼同羊腩煲，最喜歡芝士黃金醬燒開邊蝦同大蝦球，超級大隻，食落爽口彈牙，好有酒樓feel，唔鍾意食蝦嘅都建議要試試佢🥺飲品選擇都有唔少，超級無敵推介呢度嘅凍梅酒，用細細個樽仔裝著，見一個二個都攞嚟飲，果然有料到，冰冰涼涼，散發著淡淡嘅酒香氣，好容易入口，平時唔飲開嘅都應該接受得到，另外亦有凍熱清酒、啤酒等罐裝飲品，好正😊