炒得喜大排檔

營業中

休息中

剛剛去完海洋公園，諗住同老公食晚飯，老公就話南朗山好多野食，就去試下！點知行樓梯到去1/F，見到依間大排檔拎住酸菜魚，（因為我最愛食）就決定要試依度！坐低後發現都幾多辣野食，好興奮，但只有兩個人叫唔到好多餸。最後叫咗酸菜魚加辣、干鍋田雞、沙拉骨。上菜時間都幾快，先黎個酸菜魚，賣相都吸引，而且分量都多，D魚好嫩滑，依個酸辣程度完全満足到我愛辣要求。之後到干鍋田雞，做得夠乾身，肉都juice ，諗住個魚都未食到一半就黎田雞，怕D餸凍，估唔到干鍋都有個爐「興住」值得一讚 ！到沙拉骨味道都不錯份量夠，老公食佢添咗一碗飯！總結黎講，依度菜式種類夠多，除大排檔菜式，仲有BBQ既款式，下次要再來試下。最後臨走時先知，原來依度係新開架！