上村牧場 (已結業)

銅鑼灣時代廣場開咗間主打燒薩摩牛肉嘅放題，薩摩牛出產於鹿兒島，以熊本米為飼料，飲用水來自櫻島火山嘅火山泉水，礦物質豐富，所以薩摩牛肉質香濃特別好味～。我地揀咗薩摩牛饗宴套餐，可選擇嘅部位好齊全，有薩摩牛牛五花、里肌肉、壽喜燒肉、腹脅肉、腰脊芯，多到唔知食邊樣先好～仲有好多唔同調味可選，蔥鹽，蒜香，四川麻辣等等～餐廳特別之處係落完單，食物好快就會經特急列車自動送到，過程十分有趣～食物質素方面，牛五花燒肉係我至愛，肉質鮮紅，脂肪分佈均勻，油花豐富，一咬油香即渗出而且肉質非常鬆化～壺漬牛都好靚，有一款係上面有棉花糖燒，熔咗之後牛肉帶點甜都幾夾～唔食牛都有好多選擇，熟食拉麵、玉子燒、壽司，海鮮，連海膽壽司都有，我同朋友都追加咗兩轉～🤟🏻