金記冰室 (創紀之城五期(apm)) (已結業)

話說同事之前買左金記嘅Q邦，今日就約埋幾個同事去觀塘APM 金記用膳，今日午餐有個海鮮炒烏冬，睇落幾吸引，價錢$64包餐湯連飲品，個羅宋湯都幾好味嘅，非常濃郁，但個烏冬黎到就出晒事，蝦有三粒，正常size，蟹柳一條切開兩件，啲蜆肉同青口小都不在話下，蜆肉仲細過隻尾指指甲，仲有啲青口，真係可以細到咁嘅；見到部長即時投訴，雖然佢都即刻幫我取消，再另外order其他餐，但覺得呢間餐廳好搵笨囉、唔好當我地啲客傻架啦⋯⋯臨走個部長都好有禮貌解釋，已經反映左比公司，咁大家咪睇下有冇改善囉😏，不過六十幾蚊一個餐，觀塘區應有更多好選擇，本人就唔會再幫襯。