麻極手工火鍋料理

營業中

休息中

天氣涼了，邊爐近了，又係十下十下既時間，搵呀搵，搵左呢間火鍋，好似好多野食咁。上到黎門口，見到我既龍貓貓呀！招牌麻辣雞煲半隻，真係足半隻雞，仲有支竹、雲耳、洋蔥，配菜份量都唔少，食完都飽左一半。食住雞煲飲王老吉下下火頂級安格斯牛肉，色澤紅潤，帶少少雪花，打邊爐黎講算係厚切，食落有口感有牛味。新鮮五花腩片，脂肪比例佔一半，食落爽實既肉質，脂肪柔軟。蒙古羊肉卷，呢個羊味比較重，打麻辣火鍋就剛剛好。牛骨髓，唔係度度有，呢個牛骨髓都幾大條，外而滑嘟嘟，咬落彈彈。油麥菜綠油油椒鹽墨魚咀，呢個必試，炸到金黃色外皮又薄又脆，裡面墨魚就濕潤有咬勁。紅糖米茲粑，煙煙韌韌既茲粑配紅糖漿超好味。