影片
更多
2023-12-24
314 瀏覽
💁♀️💁♂️ 15/12/2023(Fri), Dinner🍽大埔區高質嘅壽司🍣店唔算多，但大埔中心嘅立鮨絕對係其中一間，餐廳嘅海產每日新鮮由築地空運到港，新鮮程度絕對有保證。店名雖然叫立鮨，但其實係有高櫈可以坐嘅，唔使全程企住食。餐廳大約有20個座位，配合簡潔嘅裝修，都食得好舒服。餐牌選擇都唔少，壽司🍣、刺身、小食、煮物、燒物都有，種類繁多，如果三心兩意嘅仲有廚師發辦嘅套餐可以選擇。而今晚我地💁♀️💁order咗：🔆 立鮨特上魚生飯（$298）一如以往，餐廳提供嘅係赤醋飯🍚，用上福井米製作比起一般醋飯更能帶出魚生嘅鮮甜味道👍。面層舖滿海膽、帶子、牡丹蝦🦐、三文魚子、三文魚、拖羅同赤身等食材，入口魚生鮮甜，海膽味道甘甜濃郁，入口唔會有腥味。三文魚子同樣都好鮮甜，咬爆之後魚油喺口腔內爆發，要撈少少海膽一齊入口，味道更吸引。拖羅油花充足，咬落油潤食得滿口魚油香味，赤身則魚味濃一點。🔆 什錦刺身拼盤（$258）呢個拼盤有中吞拿魚腩、油甘魚、三文魚、赤蝦、真鯛、赤貝等，每款兩片。同樣地魚生都好新鮮鮮甜，赤貝食落十分爽口彈牙，師傅對食材處理得好恰當。油甘魚同三文魚都同樣肥美，厚切食落好滿足。赤蝦
💁♀️💁♂️ 15/12/2023(Fri), Dinner🍽
大埔區高質嘅壽司🍣店唔算多，但大埔中心嘅立鮨絕對係其中一間，餐廳嘅海產每日新鮮由築地空運到港，新鮮程度絕對有保證。
店名雖然叫立鮨，但其實係有高櫈可以坐嘅，唔使全程企住食。餐廳大約有20個座位，配合簡潔嘅裝修，都食得好舒服。
餐牌選擇都唔少，壽司🍣、刺身、小食、煮物、燒物都有，種類繁多，如果三心兩意嘅仲有廚師發辦嘅套餐可以選擇。
而今晚我地💁♀️💁order咗：
🔆 立鮨特上魚生飯（$298）
一如以往，餐廳提供嘅係赤醋飯🍚，用上福井米製作比起一般醋飯更能帶出魚生嘅鮮甜味道👍。面層舖滿海膽、帶子、牡丹蝦🦐、三文魚子、三文魚、拖羅同赤身等食材，入口魚生鮮甜，海膽味道甘甜濃郁，入口唔會有腥味。三文魚子同樣都好鮮甜，咬爆之後魚油喺口腔內爆發，要撈少少海膽一齊入口，味道更吸引。拖羅油花充足，咬落油潤食得滿口魚油香味，赤身則魚味濃一點。
🔆 什錦刺身拼盤（$258）
呢個拼盤有中吞拿魚腩、油甘魚、三文魚、赤蝦、真鯛、赤貝等，每款兩片。同樣地魚生都好新鮮鮮甜，赤貝食落十分爽口彈牙，師傅對食材處理得好恰當。油甘魚同三文魚都同樣肥美，厚切食落好滿足。赤蝦彈牙之餘又有蝦嘅鮮味。整體嚟講呢個拼盤性價比都幾高👍👍👍。
🔆 燒牛油🧈白子小食(3 pcs)（$58）
估唔到用牛油🧈燒過嘅白子又幾好食喎，本身💁A先生對白子無乜特別喜好，但呢碟用牛油🧈燒過香口之餘又容易入口同接受到😋。
🔆 松葉蟹蓋甲羅燒（$78）
蟹膏同蟹肉🦀份量都好多，入口係濃濃嘅蟹鮮味，即使吞完都久久不散，襯熱食味道更濃郁🤤🤤🤤。
🔆 鹽燒三文魚鮫（$54）
兩件三文魚鮫燒得皮脆肉嫩，燒過後三文魚鮫豐富嘅油脂食得滿口脂香，整體用嚟配啤酒🍻一流。
🔆 清酒煮蜆（$88）
份量都唔少，蜆肉大隻鮮甜配合清酒煮能帶出貝殼類海產嘅鮮甜😍。
🔆 麒麟生啤（1 pint, $65）
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：9/🔟
❤🙆♀️(為食妙妙)整體食評：8.5/🔟
👉🏻 雖然餐廳叫立鮨，但實際都係有高櫈坐嘅，所以都食得舒服
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗🚗(5/5)
👉🏻 餐廳位處嘅大埔超級城有幾個停車場🅿️，泊車一般唔係問題，消費換免費泊車🅿️亦唔難
👉🏻 餐廳隔離就係大埔中心巴士總站，有多條線路去全港各區，交通尚算好方便
🔆🔆🔆🔆🔆🔆🔆🔆🔆🔆🔆🔆🔆
張貼
