Noc Noc

營業中

休息中

今日同朋友係大埔周圍行，發現呢間Nocnoc餐廳好Chill咁，於是就入左黎試下。佢其實係一間bar and restaurant黎，岩哂一班人想飲住酒、食住野吹水。咁我同朋友今晚就冇飲酒，淨係嗌左野食。我朋友係美國試過墨西哥鐵板牛柳，想再試番，我就跟佢嗌左個墨西哥鐵板烤雞。佢既食法係用一塊煎餅包住塊肉、saurce 同埋其他配菜，唔會淨係得肉咁寡，岩哂重口味既人。我地仲加錢嗌左兩份餐湯及餐包。餐湯係每日唔同，今日呢款南瓜湯都幾好，清清地，幾易入口。我地之後仲嗌左份雞翼三重奏，係三份唔同既雞翼食法。有用wasabi醬整成既雞翼、有一款係用中式醬整成既雞翼，最後一款係炸雞翼，三款都非常好食，誠意推介。