影片
更多
2025-05-08
0 瀏覽
今日喺大坑試到一間極高質嘅餐廳，仲食到可能係我食過最好食嘅烤乳豬，忍唔住要推介俾各位！呢間位於大坑嘅餐廳，外觀係型格黑色，入面非常暗暗地，非常有格調。老細同staff超E超nice，啱晒約會團聚！呢度主打高質西餐，我哋試咗：Heirloom Tomato & Burrata Salad $198呢個沙律係用咗原種蕃茄同布袋芝士製成，之後淋上羅勒油同黑醋。小編第一次試原種蕃茄，味道比較爽甜清新，布袋芝士奶味濃郁，配埋新香嘅羅勒油同黑醋，層次非常豐富。French Baby Blue Mussels $198呢個小編見好多枱都會叫！食完就知點解，呢種呢種法國藍青口雖然較為細小，但肉質十分柔嫩，加上本身鮮味濃郁又唔會腥，所以店家調味唔算太重，只係用咗白酒同忌廉，增加香味。Beef Check Tagliatelle $268醬汁用蕃茄、牛面肉同蔬菜長時間熬煮，先食到蕃茄酸甜，之後會食到好香嘅牛味。醬汁入面會有細細粒牛面肉，非常軟腍。至於意粉用咗Tagliatelle ，係比較闊身嘅蛋麵，有新鮮意粉獨有嘅筋度同口感，而且非常掛汁，啖啖牛香！Signature Roasted Suckling
呢間位於大坑嘅餐廳，外觀係型格黑色，入面非常暗暗地，非常有格調。老細同staff超E超nice，啱晒約會團聚！呢度主打高質西餐，我哋試咗：
Heirloom Tomato & Burrata Salad $198
呢個沙律係用咗原種蕃茄同布袋芝士製成，之後淋上羅勒油同黑醋。小編第一次試原種蕃茄，味道比較爽甜清新，布袋芝士奶味濃郁，配埋新香嘅羅勒油同黑醋，層次非常豐富。
French Baby Blue Mussels $198
呢個小編見好多枱都會叫！食完就知點解，呢種呢種法國藍青口雖然較為細小，但肉質十分柔嫩，加上本身鮮味濃郁又唔會腥，所以店家調味唔算太重，只係用咗白酒同忌廉，增加香味。
Beef Check Tagliatelle $268
醬汁用蕃茄、牛面肉同蔬菜長時間熬煮，先食到蕃茄酸甜，之後會食到好香嘅牛味。醬汁入面會有細細粒牛面肉，非常軟腍。至於意粉用咗Tagliatelle ，係比較闊身嘅蛋麵，有新鮮意粉獨有嘅筋度同口感，而且非常掛汁，啖啖牛香！
Signature Roasted Suckling Pig $348
據老細講，呢個係佢哋自信作，十年經驗淬鍊 而成。確認睇得出佢燒得非常之好，色澤鮮艷均衡，外皮自帶一層油光。外皮非常好脆身，而且係薄脆嗰種，乳豬肉質幾嫩滑，調味唔會太重，食到豬嘅肉香同油香。佢亦都附帶一兜汁，酸酸甜甜，平衡返油膩感。果然係十年經驗之作！
Lychee cooler $58
呈現淡粉紅色，面頭有好多荔枝果肉，飲落去好清新，梳打好爽，好適合夏天飲。
Two Moons Signature Gin & Tonic $88
用咗Two Moons嘅招牌乾氈酒，酒味唔算太強，有清新檸檬同柑橘調，非常清爽。
味道：8.4/10
抵食：8/10
服務：8.2/10
環境：8.2/10
張貼
