睿居酒屋 (已結業)

📍大坑極高質居酒居 睿居酒屋📍自從發現大坑美食店林立，我就成日心心念念呢度🥲。呢次入開港島，就決定嚟食睿居酒居，一間極高質嘅日本料理。雖然店舖不大，但環境舒適，裝修雅緻。呢次坐喺吧枱，可以睇住師傅製作每一道菜，好精彩。💖前菜：枝豆 唔係普通嘅枝豆，而係有調味嘅枝豆，有種份外鮮甜嘅味道。💖鱈魚魚干同普通嘅鱈魚干唔同，佢係好香口，又有濃郁魚香味，配沙律醬食，係一流嘅享受🤭。💖海鯛薄切刺身每一片都晶凝通透，一擺入口就感受到滿溢嘅魚油香，然後喺口中溶化。佢嘅Wasabi係鮮磨嘅wasabi，大大提升咗刺身嘅味道層次！💖吞拿魚壽司三貫分別有赤身、中拖羅、大拖羅，每一件都鮮味十足，係冇冰過嘅刺身，保留到吞拿魚嘅鮮味。大拖羅簡直係難忘，每一啖都係豐富嘅油指香味😋。💖 雞肝串燒&厚燒牛舌串燒厚燒牛舌，簡直係完美🥲🥲，有燒烤嘅香味，亦有豐富嘅牛味，配埋淡淡的鹽香，係味道的豐富。💖雞腎串燒&雞翼串燒雞翼串燒都係無得頂㗎🤧🤧🤭👍🏻😍！所有食物嘅擺盤都好有心機，好似藝術品一樣。第二次食呢一間居酒屋，仍然會比滿分💯，實在太高質！