捌哥‧馬拉籽 (已結業)

捌哥‧馬拉籽今次要介紹大圍一間馬來西亞菜小店餐廳，呢間餐廳有兩層，地下果層大約得八張枱，餐廳門口有一級，又係出動我嘅斜板嘅時候，門口算窄，我部輪椅緊緊夠過，店員服務態度好好，幫我搵一個方便嘅位置比我坐，但呢間餐廳就未必適合太多輪椅人士一齊聚舊吹水食野！1.龍蝦尾海鮮濃湯蝦麵+凍馬來西亞茶$128（9/10）呢碗龍蝦尾海鮮濃湯蝦麵過份量超級多，配料包括有一舊鮮甜彈牙多肉嘅龍蝦尾、兩隻青口、兩隻煎過好鮮甜嘅帶子、兩塊好爽口嘅魚片、通菜同芽菜等，面好彈牙又掛到濃郁蝦湯，套餐仲可以叫凍馬來西亞茶，如果單調馬來西亞茶要$22，所以話呢個套餐絕對抵食，食完之後先知道原來全日限量得20碗，我真係好好彩食到！凍馬來西亞茶：茶味好出，偏為較酸，唔會好甜！2.魚仔醬蘿蔔糕$46（8.5/10）呢個魚仔醬蘿蔔糕個蘿蔔糕外面煎得好脆身，魚仔醬好香帶少少辣，一共大約有七小舊，切成一小舊放入口食都好方便，唔錯唔錯！3.玻璃生菜$32（9.5/10）生菜好新鮮，口感爽脆，味道調得啱啱好！4.冰茶12（9/10）茶味好出，偏為較酸，唔會好甜！2人總共價錢$218個人口味總評分：9/10@bagus.bagushk 地