風車

營業中

休息中

今日難得放假，好耐無去唔同地方食下好野，經大圍朋友嘅介紹，話有間西餐連酒吧係一個唔錯嘅地方去坐下，食好西 😎入到餐廳，就見到個好大嘅bar枱，環境佈置令人感覺好chill，係一個傾偈聚餐好地方，朋友無介紹錯👍至於野食方面，餐廳老闆好有心，見我有選擇困難症，咁多樣野都想食但肚量唔大🤣，得一丁友，就推介佢覺得今日嘅最新鮮嘅菜色俾我👍👍前菜我叫左個香煎阿拉斯加蟹餅，老闆超大方，蟹肉量多，食落咸咸香香，個沙律食落都酸酸甜甜地，好開胃😀主菜波士頓龍蝦意粉亦都相當唔錯 😍意粉煮得剛剛好，有咬口得黎唔係太淋身，龍蝦膏亦相當多，每啖就食到，好滿足 😋是日蘑菇湯都好有心機整，啖啖都係蘑菇味道，仲食得出蘑菇蓉， 水果茶唔係死甜個隻，幾清甜，中和一下味蕾去食得出唔同嘅美食 😎最後更係唔少得個個甜品啦，係竟然係我鍾意食嘅芝士蛋糕，芝士味濃郁，個餅底就幾鬆化，連甜品都整得咁好，真係唔話得 🙂總括而言，哩間餐廳水準真係唔錯，好值得一再去食，食曬所有未食過嘅菜，二人餐都好抵食，但要call定幾個朋友先得，咁鬼大份😂😂