老去茶事

營業中

休息中

因為對飲茶一直冇乜大興趣，所以未有planning黎呢間專飲茶嘅小店。但原來佢地除咗茶之外，食物都幾有特色。我比醉鴨片吸引到，而朋友又糾結係牛肉沙律定東坡肉好，最後見到隔離枱閃閃發光嘅東坡肉就忍唔住叫咗。煙燻紅茶番茄米型意粉，慢煮醉鴨片，漬物是日漬物係陳皮黑醋漬白蘿蔔，陳皮帶小小苦，有黑醋淡淡嘅酸，蘿蔔漬得好爽脆。醉鴨片塊塊都厚切，好淋好入味。第一次食米型意粉，佢比一般意粉有咬口同易入味，配呢個酸may may嘅蕃茄醬，再加埋啲蕃茄仔同蕃茄蓉。出面好多都係有蕃茄味，但唔夠酸，呢個夠晒酸，好啱我口味。慢煮東坡肉配藜麥昆布野菌菜飯朋友食嘅東坡肉set，上到到閃閃發光嘅肉已經十分吸引，食落口入口即溶，醬汁甜甜地好啱送飯食。隨餐仲有菜飯同沙律菜(一啲都唔hea)，就算係食東坡肉咁heavy，都唔覺好大罪惡感。