影片
更多
2023-06-12
842 瀏覽
#大圍美食 #小蓮星呑食大圍🔻 尋味 大圍田心村199號地舖/🧃麻辣烤魚 江團魚 $298烤魚有海鱸魚同埋江團魚揀，江團魚係河魚，肉質比較嫩滑，同埋冇乜細骨，所以揀咗呢一條，揀咗麻辣嘅小辣，真係唔係好辣，唔係好食得辣嘅朋友都可以食到，入面已經有蓮藕、金針菇、芽菜、木耳等配菜條魚都幾大條，滾起之後轉中細火，基本上都唔會煮爛條魚， keep住條魚嘅肉仲係好軟熟，啖啖肉，而且夠晒大條，配菜份量都唔少，蓮藕好大塊，芽菜木耳同金針菇索晒啲麻辣汁，超級惹味/🧃配菜 $28-$38我哋另外再嗌咗鴨血、萵筍、薯仔、牛筋丸，份量都幾多，夠兩至四人食，鴨血一啲都唔腥，唔會一夾就散，牛筋丸好香牛味，質地厚實/🧃串燒 除咗烤魚，呢度仲有串燒食，翠玉瓜先烚到腍身再燒， juicy得來多咗燒烤嘅香味、日本一口牛咬開好腍身，加咗孜然粉好香、雞翼有三隻，超級驚喜，大大隻，個皮好香脆，入面熱辣辣保持肉汁、茄子都好欣賞，唔會好似出面咁，落得過咁多調味料，而係足夠入味之餘，唔會過分重口味/🧃鴨屎香檸檬茶 $38原來鴨屎香係一種茶葉嘅品種，同檸檬茶非常之夾，為普通嘅檸檬茶增加另一個味道層次/#food #foodie #hk
🔻 尋味
大圍田心村199號地舖
/
🧃麻辣烤魚 江團魚 $298
烤魚有海鱸魚同埋江團魚揀，江團魚係河魚，肉質比較嫩滑，同埋冇乜細骨，所以揀咗呢一條，揀咗麻辣嘅小辣，真係唔係好辣，唔係好食得辣嘅朋友都可以食到，入面已經有蓮藕、金針菇、芽菜、木耳等配菜
條魚都幾大條，滾起之後轉中細火，基本上都唔會煮爛條魚， keep住條魚嘅肉仲係好軟熟，啖啖肉，而且夠晒大條，配菜份量都唔少，蓮藕好大塊，芽菜木耳同金針菇索晒啲麻辣汁，超級惹味
/
🧃配菜 $28-$38
我哋另外再嗌咗鴨血、萵筍、薯仔、牛筋丸，份量都幾多，夠兩至四人食，鴨血一啲都唔腥，唔會一夾就散，牛筋丸好香牛味，質地厚實
/
🧃串燒
除咗烤魚，呢度仲有串燒食，翠玉瓜先烚到腍身再燒， juicy得來多咗燒烤嘅香味、日本一口牛咬開好腍身，加咗孜然粉好香、雞翼有三隻，超級驚喜，大大隻，個皮好香脆，入面熱辣辣保持肉汁、茄子都好欣賞，唔會好似出面咁，落得過咁多調味料，而係足夠入味之餘，唔會過分重口味
/
🧃鴨屎香檸檬茶 $38
原來鴨屎香係一種茶葉嘅品種，同檸檬茶非常之夾，為普通嘅檸檬茶增加另一個味道層次
/
#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig
張貼
