Xi Xup

營業中

休息中

環境偏向走型格路線，牆身有一幅巨型壁畫，充滿藝術氛圍，樓梯亦有一層，有燈飾圍繞，睇落十分有氣氛。順化扎肉牛尾湯米線 Bun Bo Hue（$98）私心推介牛尾湯米線，有兩塊好似手掌咁大既牛尾，牛骨髓旁邊的牛油脂濃郁可口，牛味相當重，牛油脂味刺激味蕾，加上經典越式扎肉和爽口彈牙既米線，很有滿足感。雞絲湯河 Pho Ga（$98）滿滿雞絲鋪滿河粉，食落啖啖雞肉，有適量既雞皮，食落有雞油香味，湯底因雞絲浸泡下有少計雞湯味，整體清淡但一點也不單調。豬腩蝦肉米紙卷 Summer Rolls（$48）傳統越式米紙卷，主要材料有豬腩肉、大蝦和生菜，米紙卷有淡淡既米香味，口感煙韌，配搭魚露甜酸汁，十分開胃。魚露炸雞翼 Caramelized Wings（$78）魚露味撲鼻而來，雞翼表面灑滿蒜片和香蔥，增加左越式風格，炸雞翼表皮炸得香脆可口，但仍然能鎖住肉汁，咬落去肉質鮮嫩，充滿肉汁。