Chill and Grill

營業中

休息中

朋友住開西環，介紹我嚟呢間西餐扒房食飯，一入到去，間舖好大間，目測應該有七、八千呎，而且裝修好型好靚，除咗傳統木色，仲配上好多粉紅、粉藍嘅點綴，好多打卡位，朋友同我講，話呢間餐廳係電視劇大叔的愛嘅其中一間取景餐廳，仲繪形繪聲咁講埋個劇情我知，搞到我即刻想睇番嗰集。今次頭盤叫咗 三文魚凱撒沙律（$148），主菜叫咗 美式肉眼扒（$328），肉質嫩滑，表面有少少燶，但又能夠保持鮮味，好有美國 Feel，另外又叫咗磨菇意大利飯（$148），食落冇其他餐廳咁硬身，幾啱我口味，兩個人簡簡單單一餐飯，叫飲埋嘢，每位 $400 左右，以呢度嘅環境裝修，唔算貴，值得一試。