Burgeroom (美麗華廣場1期)

營業中

休息中

今日行尖沙咀，食啲好邪惡嘅嘢。我見呢間都好多好評，入咗去食！ 叫咗個雞扒漢堡，凍檸茶，同埋鵝肝薯餅。鵝肝薯餅，一切開就見到個鵝肝煎得啱啱好，個表面蒸到好香，入面係啱啱熟，非常嫩滑。 再配埋炸到脆卜卜嘅薯餅，一脆一嫩，口感好好。 同埋呢個鵝肝冇咩腥味，亦都煎晒啲油出嚟，所以食落去唔係好油膩。嚟到雞扒漢堡，佢個漢堡包漢過，好香，裏面塊雞扒都勁大塊，係啖啖肉，仲有啲生菜同蕃茄，好新鮮，好清新嘅感覺。我見佢啲漢堡都可以自己Mix and Match，不過我就懶，揀咗佢推介嗰款漢堡包嚟食。 最後飲埋凍檸茶，舒服晒。