牛大人台灣火鍋吃到飽 (瓊華中心) (已搬遷) 新店位置

我前排去左一間旺角牛大人火鍋放題試新嘢，因為佢最近推出咗夢王系列，對於我呢個蛋控好吸引，所以專登去試吓！首先，佢哋有期間限定嘅有夢王糖心蛋、布丁珍珠奶茶同布甸，真係好特別。夢王糖心蛋外糖心流出，好滋味但香味都好濃。而且火鍋放題仲有布丁珍珠奶茶，呢件事真係好邪惡，驚死你唔夠飽咁😂 口感香滑，珍珠彈牙，布甸滑滑嫩嫩，甜度適中，估唔到係一個幾錯嘅配搭！例牌麻辣湯底係我嘅首選。湯底辣味濃郁，香辣味道刺激味蕾，真係夠味。一啖湯底，辣辣嘅感覺立即襲上舌尖，而且呢個湯底真係會越食越辣～叫咗中辣，食落都仲尚算舒服嘅😝佢哋嘅配料真係好多，好多都係主打台灣直送！多種新鮮嘅蔬菜任你揀，配料都係！最鍾意食佢嘅頂級花枝丸，口感彈牙，我可以無限添加！牛肉無限吃係呢度嘅賣點之一。佢哋提供多款牛肉，整體質素都算唔錯，真係可以無限享受牛肉的美味，真係好啱鍾意食牛嘅朋友仔！